Wéinst den aktuelle sanitäre Restriktiounen, kënne mir am Moment leider keng Klassen empfänken an deemno gesi mir eis gezwongen déi geplangte Schoulvirstellunge vum Ratefänger vun Hameln ze annuléieren. No Récksprooch mat den Artisten a fir sécher ze stellen, dass esou vill Kanner ewéi méiglech an de Genoss vun dësem wonnerbare Spektakel kënne kommen, hu mir allerdéngs decidéiert 3 weider ëffentlech Virstellungen ze programméieren: Samschdes, de 6. Mäerz um 14:00 a 16:00 a Sonndes, de 7. Mäerz um 14:00. Dir kënnt är Plazen ab elo reservéieren.


Nom groußen Erfolleg vu sénge Bremer Stadtsmusikanten, daucht den Dan Tanson nees eng Kéier an déi magesch Welt vun de Gebridder Grimm. 

De Ratefänger vun Hameln ass eng spannend Mëschung vun der Originalgeschicht an zäitgenëssescher Situatiounskomik, dëst zesumme mat Live-Musek a fantasievollen Illustratiounen.